تطوير تطبيقات IOS
مقابلة مع يزيد الوشمي و أثير العبداللطيف:
يزيد الوشمي:
#كيف بدأت وطورت نفسك؟
طبعاً اول ما بديت Swift ما كان لي خبره في أي لغة برمجة إلا في جافا وشوي web وهذا الشي ساعدني لان تقدر تقول فيه تشابة بسيط بين swift و جافا وحتى لو انك ما لك خبرة في جافا، اللغة جداً بسيطة و طبعاً اللي حمسني اتعلمها اني كنت احب ios وشي مهم عشان تطور فسوفت لازم يكون عندك ماك بوك طبعا، لكن مع انه كان معي ماك بوك ما كان فيه شي يحمسني اتعلم لكن فيه شي سويته تقدر تقول حمسني واللي هو اني اشتريت كورس يودمي وفعلت حساب مطور أبل ودفعت الرسوم السنوية عشان خلاص يكون عندي زي ما تقول "ديد لاين" خلال سنة تكون تعلمت وسويت برنامج ورفعته للاب ستور لاني حطيت هدف هو اني اسوي برنامج قبل ينتهي الاشتراك السنوي.
هذا التكنيك فادني كثير فكل شي اسويه سواء برمجة أو غيرها ،عندك شي تبي تسوية رح اشتر كورسات لانك مع الوقت بتتحسف انك اشتريتها ولا بديت تتعلم وراح تجبر نفسك انك تتعلم.
#أبرز المصادر والشهادات؟
-كورس يودمي فيه كورس مشهور ساعدني اتعلم الاساسيات واي واحد تسأله عن كورس swift بيقولك اسم صاحب الكورس اللي هو Mark Price:
اليوتيوب مليااااااااان مصادر بتستفيد منها بعد ما تتعلم الاساسيات وهذي بعض القنوات اللي كنت ولازلت اتعلم منها:
بيشرحلك كيف تبني واجهات مثل واجهات البرامج المشهورة
بيشرحلك كيف تبني elements جميله وكيف تتعامل مع
بعض الخدمات اللي تقدمها لك ابل لدعم لغة swift
- هذي اسماء قنوات زيادة:
-Mark moeykens channel (انصح فيها)
#نصيحة للي حاب يدخل هالمجال؟
نصيحتي لك اذا انت من محبين ios تعلم اللغة واتعلم الاساسيات اول ويفضل من كورسات يودمي بعدين ادخل على مصادر اليوتيوب ،اللغة جميله جدااً وزيادة على كذا فيه شركات حكومية وغير حكومية كثير يبون اللي يشتغلوون swift ,بتقول اكيد الشركات يبون اللي يوفر الشغل عليهم و يشتغل cross-platform ،حاب اقولك تراك غلطاااااان حتى لو ما كان هدفك انك تتوظف، اللغة ممتعة وعليها دعم قوي من ابل،ومجتمع مطورين جبااار يعني اي مشكله بتجيك بتلقا لها حل ،نصيحتي لك حتى لو بس تقرا عنها، وشكراً للمهندس اسامة الفيفي اللي ساهم بنشر هذي الفايدة, والله يوفقكم ويكتب لنا ولكم كل خير.
#طريقة التواصل معك؟
أثير العبداللطيف:
#كيف بدأت وطورت نفسك؟
بديت الأهتمام بتطوير تطبيقات الـ iOS وقت التدريب التعاوني حقي. على الرغم ان البوزشن حقي UX designer إلا أني كنت على تواصل دائم مع فريق التطوير.
واستغليت هذا الشيء بأني اسألهم بشكل دائم عن مصادر التعلم.
بديت بكورس من تقديم جامعة Stanford شهير جدًا. الأساسيات فيه ممتازة. حرصت إني أقرأ الديكومنتيشن لغة سويفت كاملًا, كان من متطلبات هذا الكورس. كان جدًا متعب وممل في البداية بس لاحظت نتائجه بعدين (كلما واجهتني مشكلة تذكرت أن والله فيه كونسبت معين في سوفت ممكن يحلها, وارجع اقرا عنه بتعمق أكثر). الكورس كان فيه صعوبة نوعًا ما ويفتقد للتنوع فاتجهت لكورس مبسط وأكثر تنوعًا على يوديمي.
لما بديت أخر سنة جامعة جاني عرض وظيفي بارت تايم مطورة iOS في شركة صغيرة (وكان الذي رشحني لـ بوزيشن مشروع اندرويد!)
ومن هنا بدأ التعلم الأساسي وصرت قبل كل تاسك احتاج أرجع لكورسات والمبرمج اللي كان بالتيم.
وهذا أكثر شيء عطاني معرفة أكثر.
#أبرز المصادر والشهادات؟
Stanford Online Course
#نصيحة للي حاب يدخل هالمجال؟
نصيحتي هي أن الواحد يتقن الأساسيات ويحاول يدّور مشروع تطوعي أو شركة صغيرة يقدر يطبق فيها اللي تعلمه.
#طريقة التواصل معك؟