النجوم
أقرب إلينا مما تبدو
النجمة هي الجسم إللي يلمع في السماء جنب القمر ، هي الفاكهة الغريبة إللي ما عمرنا دقناها ، هي المخلوق اللي يعيش في البحر وأغلب الوقت ما يتحرك , هي المشهورة اللي تتمخطر قدام الكاميرا .
بالنسبالي ، النجوم هي البريق اللي أحسه في عيني لما أنبهر ، زي لما أقعد قدام البحر وأشوف النجوم تطفو فوقه والشمس تختفي وراه ، لما أشوف صناعات يدوية ، لما الناس إللي أحبهم يوصلوا لأماكن وينجزوا حاجات رهيبة .
النجوم ماهي بعيدة . النجوم تعكس الروح البريئة في كل واحد فينا ، الفضول والانبهار بالجديد إللي يلهمنا نصنع شي بنفسنا ونكون شي من نفسنا ، النجوم هي الأهداف اللي نبغا نوصل لها ، هي الأشخاص اللي نبغاهم جنبنا ، هي القطع والمناظر اللي تجذب روحنا لشي أعمق من شكلها .