ابتعدت من فترة عن التدوين بسبب ظروف الحياة..لكن من فترة لفترة اكتب في مسودتي ايش المواضيع اللي ابغا اشاركم هي؟

ومع الحجر المنزلي اللي احنا فيه فرصة نتطور ونستغل الايام هدي…وهدا كلام ابدا مو جديد تسمعوه. لكن! حاحاول قد ما اقدر انه خلال الاسبوع ما اكتب اقل من تدوينتين وارجع للفيديوهات الخاصة باللغة والثقافة.

بيني وبينكم الاوضاع اللي في الفترة الحالية خلتني انا بنفسي اسأل نفسي ايش اللي خلاني اتعلم اللغة دي من البداية؟ ليش تعلمي ليها بيحسسني بالذنب من بعض الاشياء والتصرفات اللي بتبدر منهم؟

لما تحصل احداث ويبدوا الناس يربطوها فيك…الا ما تخف العزيمة مع اني من اول تدوينة كتبتها قلت اني مني صينية ولا معايا الجنسية حقتهم واللي يحصل منهم او عندهم مالوا دخل في😶

لكن اختي نبهتني انه اول سبب خلاكي تتعلمي ما كان عشانهم هم، اكيد كان لسبب ما اخترته انا بنفسي…وغلط جدا اندم على السنوات اللي قضيتها اتعلم اللغة واقرا كتير عن الثقافة واصادق كثير منهم… وما اعرف في المستقبل ايش حيحصل وكيف حستفيد منها.

بعيدا عن المحبطات…مواضيع المدونة باذن الله رمضان دا حتكون:

اتمنى انه ربي يبارك في وقتي واستغل الشهر دا افضل استغلال واشاركم بعض اللي عندي…ومرة تانية مبارك عليكم الشهر ربي يجعلنا من صوامه وقوامه ويتقبل مننا صالح اعمالنا.

ودمتم بود🌙