بدايةً ايجاد جهة التدريب وعلى وقتنا ما واجهنا صعوبة فيها ولا ادري وش الوضع الان مع هذي الجائحة الله يفرحها علينا وييسر لكم اموركم المهم نصيحتي تنشق الى قسمين القسم الاول انهاء التدريب في شهرين وعدم التعاقد بالتدريب التعاوني ولا يغرك الراتب في التدريب -حتى لو تدرب بدون راتب- سوق العمل يحتاج خريجين من كليتنا كثر ما تسرع بالتخرج كثر ما تلقى عروض جيدة ان شاء الله وادري تبغون ارقام مدى العروض يكون بين ١٢٠٠٠ الى ١٨٠٠٠ هذا الي انا اعرف عنه شخصيًا.

الامر الاخر للاسف غالبًا في التدريب ولانه في وقت الصيف بين إجازة الفطر وإجازة الحج في الغالب تكون الجهه الي بتدرب فيها تبي تخلص مشاريعها بسرعة لانهم طالعين من اجازة وداخلين في اجازة ثانية يصير ضغط وللاسف غالبًا ما رح يعطيك احد وجه لسببين الاول انت متدرب كلها شهرين وتمشي الا اذا كانت جهه تبيك؛ ممكن الوضع يختلف، الثاني ما احد يتوقع منك شي لذلك افرض نفسك بس لا تصير نشبه.

انا تدربت في شركة TCC كـ Full-Stack developer كان المطلوب ابني مشروع على Angular و Java Spring ، والمدير المباشر خلال عملي على المشروع يعطيني مشاكل برمجية مو وقت الى اخر، كانت مدة تدريبي شهرين فقط

بخصوص إجراءات التدريب -على وقتنا ما ادري وش الوضع مع الجائحة-

بعد ما تلقى جهه التدريب فيه ورقة تأخذها من شؤن الطلاب تعبي فيها معلومات الجهه وبعدها بكم يوم يعطونك خطاب موقع ومختوم، توديه جهه التدريب يوقعونه من طرفهم، وتوديه إلى مسؤول التدريب الخاص بقسمك بيعطيك ورقة التقييم، بعد انهاء التدريب تعطي مديرك المباشر ورقة التقييم يقيمك ويوقعه ويختمه وتعطيه التقرير الي انت كاتبه يوقع عليه ويختمه ايضًا الجامعة ما تقبله الا مختوم تعطي شؤون الطلاب التقرير وبهذا ينتهي التدريب وتصير خريج والف مبروك ❤️