الجامعة السعودية الالكترونية.

مدة التدريب كانت شهرين تقريبا من 6 شوال الى نهاية ذي القعدة وقالوا ما يحتاج ترجعون بعد اجازة عيد الأضحى.

التدريب كنا أربع اشخاص وكلنا نعرف بعض قسموا التدريب على اكثر من قسم الاسبوع الاول كان تعريف بسيط عن الشبكات مع شرح عملي لتطبيق الشبكات في الجامعة السعودية الإلكترونية شفنا فيها اماكن السويتشات والراوترات وغرف الداتا سينتر وغرفة مراقبة الشبكات وغرفة مراقبة الكاميرات وشرح لكيفية تفعيل بورت معين

الاسابيع الاربع الي بعدها كان اغلبه بحث وتقارير في مجال السكيورتي وسوينا فيها صفحة اصطياد لتوعية الموظفين

والاسابيع الأخيرة كانت عن البرمجة بلغة Php باستخدام كودجنيتر وورك فريم تعلمنا اساسيات البرمجة فيها وطبقنا كم صفحة منها تسجيل الدخول والتحقق والخ..

مجملا كانوا متعاونين معنا جدا في مسألة الحضور والانصراف وتعاملهم محترم جدا، ما كان فيه مكتب لنا كنا نجلس في غرفة الاجتماعات وكان إذا فيه اجتماع غالبا نروح لمكتب احد الموظفين نكمل شغلنا وغالبا نطلع بعدها

انصحكم انكم تمسكون قسم واحد وتكلمونهم انكم بتشتغلون في القسم هذا بس عشان ما يضيع وقتكم انكم تجون ويكون ما فيه شغل كثير لان فيه ايام صراحه ما يكون عندنا شيء، ومن تجربتي البرمجة ممكن أفضل شيء لأنك بتستفيد اكثر وتقدر تشتغل في البيت او حتى في وقت الدوام لأنك بتتعلم اللغة صدقني لان فترة التدريب شهرين فتره ممتازة لتعلم اللغة.