تدربت بشركة علم summer training وليس coop يعني تدريبي كان لمدة شهرين طبعاً قدمت على اشياء كثيرة وانصح بهذا الشي لازم تسجل بكل الفرص الموجوده واذا جتك الموافقة اختار الي تبي منهم بالمجال الي انت مهتم فيه

طبعا بعد المقابلة والتعريف بالقسم الي بتدرب عندهم حطوني بقطاع حلول التدريب ادارة (ما قبل البيع وتطوير الاعمال) بما اننا نتكلم عن قطاع وادارة انصح الي بيتدرب بشركة كبيرة يشوف الستركتشر حق الشركة ويعرف وين مكانه طبعا بعلم كان المتدرب له حرية تغير مكانه وكانو اعتقد موضحين هذا الشيء، كان مشرف التدريب حقي هو الدايركتور للقطاع وكان صراحه رجل رائع ومتفهم بمعنى الكلمة طبعا قابلته باليوم الاول وتكلمنا كلام عام بالبداية قال قابل مديرك المباشر بيعلمك باقي التفاصيل قابلت المدير المباشر وشرحلي طبيعة العمل كان كتابة تقارير واعداد عروض السعر للمشاريع طبعا ما كان هذا هو الشيء الي ابيه فشرحتله انه موب هذا توجهي وكان متفهم قال الي يريحك وشرحولي انه هو الي كان طالب متدرب لان الموظف الي كان مسؤول عن هذي المهام طلع من الشركه راح يكمل دراسات عليا رحت كلمت مشرف التدريب وقلتله ان هذا موب توجهي قال حلو طيب كيف ممكن نقدر نسوي خطة تدريب شرحلته تخصصي هندسة البرمجيات وايش اقدر اقدملهم وقلتله عن اهتمامي بمجال ادارة المنتجات والمشاريع عملنا خطة تدريب مع بعض

نقلني لقسم ادارة المشاريع وعطاني مهمة تحسين ال erp الخاص بالقطاع والمهمه الثانيه او المشروع الثاني الي هو عمل منتج جديد مشابه لمنتج عندهم لكن بطرق مختلفه بديت بالعمل على هذي الشيئين ابتداءا من دراسة الموضوع واجتماعات مع الأشخاص المعنيين يعني جمع الريكوايرمنت المطلوبه وبعدها سويت ديزاين بعض السكيتش والموك اب وراجعتها معهم واجتمعت مع المطورين....

طبعا فيه بعض النصائح التقليدية

- حاول انك تكون علاقات

- حاول انك تساعد الاخرين

- لا تقول لا لأي مهمة تجيك

- حاول تكتسب اكبر قدر من المهارات والمعرفة في التدريب  

- مهم جدا ترتيب الوقت ومعرفة الأولويات لان وقت العمل ٨ ساعات باليوم فممكن يكون فيه مقاطعات لك وممكن يكون عندك وقت فراغ انصح باستغلاله

طبعاً الاهم ان الواحد يشتغل على الشي الي يبيه ويحبه اذا ما يعرف وش ييي يجرب كل شي ويختار الشي الي يكون فيه مرتاح اكثر.