بدأت دي الصفحة بنِيَّة إنها تكون ملف لأعمالي في التصميم ، وفعلاً كانت كذلك لشهور ، لكن بدأت أحس إني أكثر من مجرد مصممة ورسامة بانتظار شخص يشوف أعمالها وينبهر ويوظفها عشان تصمم هوية مطعمه الجديد أو ترسم له بطاقة عيد ميلاد بنته .

دي مساحتي عشان أكون أنا ، أعبر وأشخبط وأعطي رأيي ، أعرض أعمالي اللي سويتها للناس واللي أسويها لنفسي . دي مساحتي عشان أكون أي شي أبغا أكونه إلا شعار “يعبر عني” في انستاجرام أو غيره .